Persónuverndarstefna

Síðast uppfært 18. september 2026

Þessi stefna nær yfir W Labs, hugbúnaðarvörumerki W-invest ehf. (kt. 620822-1830, Berjarima 26, 112 Reykjavík). Hún útskýrir hvernig farið er með persónuupplýsingar á þessum vef og í þeim öppum og kerfum sem við smíðum og gefum út fyrir staði.

1. Tvö ólík hlutverk

Þessi greinarmunur skiptir máli og kemur því fyrst. Á þessum vef erum við ábyrgðaraðili. Í kerfunum og öppunum sem við smíðum fyrir stað er staðurinn sjálfur ábyrgðaraðili sinna gestagagna og við erum vinnsluaðili: við vinnum gögnin samkvæmt fyrirmælum staðarins og notum þau ekki í eigin þágu.

2. Þessi vefur

Þessi vefur setur engar vafrakökur, keyrir enga vefmælingu og sækir ekkert til þriðja aðila. Ekkert sem þú gerir hér er rakið. Sendir þú okkur tölvupóst geymum við samskiptin eins lengi og þarf til að svara þér og uppfylla bókhaldsskyldur.

3. Hvaða gögn kerfin vinna

Vildar- og bókunarkerfi fyrir stað vinnur að jafnaði eftirfarandi, alltaf fyrir hönd þess staðar:

• Samskiptaupplýsingar sem gesturinn gefur upp: nafn, símanúmer, netfang, og þar sem staðfesta þarf aldur vegna aldursbundinna verðlauna, kennitölu.
• Heimsóknir og kaup sem lesin eru úr kassakerfi staðarins: dagsetning, upphæð og hvað var keypt.
• Staða í vildarkerfinu: punktar, þrep, samfelldar heimsóknir, veitt verðlaun og hvort þau voru nýtt.
• Bókanir: tími, afþreying, fjöldi gesta og þær samskiptaupplýsingar sem fylgja bókuninni.
• Tilkynningatákn: leyfi gesturinn tilkynningar, það tákn tækisins sem þarf til að koma þeim til skila, og tegund tækisins.

Persónuauðkenni á borð við kennitölu, fæðingardag, símanúmer, netfang og tilkynningatákn eru geymd dulkóðuð. Dulkóðunarlyklarnir eru geymdir aðskildir frá gögnunum.

4. Í hvaða tilgangi og á hvaða grundvelli

• Til að reka þá aðild sem gesturinn skráði sig í: veita punkta, afhenda verðlaun og halda utan um bókanir. Grundvöllur: efndir samnings milli gestsins og staðarins.
• Til að senda tilboð og tilkynningar: aðeins þar sem gesturinn hefur kveikt á tilkynningum eða samþykkt markpóst. Grundvöllur: samþykki, sem má afturkalla hvenær sem er.
• Til að staðfesta aldur þar sem verðlaun eru aldursbundin að lögum. Grundvöllur: lagaskylda og lögmætir hagsmunir af því að afhenda ekki aldursbundnar vörur til ólögráða.
• Til að halda kerfinu öruggu og virku: kerfisskrár, villuskýrslur og varnir gegn misnotkun. Grundvöllur: lögmætir hagsmunir.

5. Hverjir koma að gögnunum

Við notum fáa þjónustuaðila og hvern og einn aðeins í það sem hann þarf að gera:

• Cloudflare: hýsing, gagnagrunnur og afhending kerfisins.
• Kassakerfi staðarins: pantanir, vörur og greiðslur.
• Apple og Google: afhending tilkynninga í tæki gestsins.
• SMS-þjónusta: innskráningarkóðar og staðfestingar á bókunum.

Við seljum ekki persónuupplýsingar, deilum þeim ekki með auglýsinganetum og notum gestagögn ekki til að þjálfa gervigreindarlíkön.

6. Hversu lengi gögn eru geymd

Gestagögn eru geymd á meðan aðildin er virk og eins lengi og staðurinn þarf þeirra vegna bókhalds og lagaskyldna. Þegar gestur biður um eyðingu eru persónuupplýsingarnar fjarlægðar og eftir standa aðeins nafnlausar talningar sem ekki er lengur hægt að tengja við einstakling.

7. Réttindi þín

Þú átt rétt á að fá aðgang að þeim gögnum sem geymd eru um þig, láta leiðrétta þau, láta eyða þeim, takmarka eða andmæla vinnslu, og fá gögnin þín afhent á færanlegu formi. Þar sem vinnsla byggir á samþykki máttu afturkalla það hvenær sem er, til dæmis með því að slökkva á tilkynningum í appinu.

Þar sem staðurinn er ábyrgðaraðili sinna gestagagna er fljótlegast að hafa samband við staðinn beint. Þú mátt líka skrifa okkur á hallo@w-labs.app og við komum erindinu áfram og aðstoðum staðinn við að verða við því. Sértu ósáttur máttu beina kvörtun til Persónuverndar, personuvernd.is.

8. Börn

Kerfin okkar eru ekki ætluð börnum. Þar sem vildarkerfi staðar stendur ungu fólki til boða þarf samþykki forsjáraðila eftir því sem íslensk lög kveða á um, og aldursbundin verðlaun eru aldrei veitt án staðfests aldurs.

9. Breytingar og samband

Breytist þessi stefna uppfærum við dagsetninguna efst á síðunni. Spurningar um persónuvernd fara á hallo@w-labs.app, eða bréfleiðis til W-invest ehf., Berjarima 26, 112 Reykjavík.